فلسفة حمار ؟؟؟عجبى عليك يا بن آدم يا كبير الدار
قومت الدنيا ومقعدت لما قالوا حمار
هو اسمى شتيمه ولا جنسى ده عار
خلقنى ربك وخلقك محدش له خيار
انا مهما زاد عليا الحمل صابر على المشوار
لافى يوم اقول اشمعنى اخويا واخد منه التار
ولا يوم ابص لرزقه وأطق منه واغار
ولا ارفع فى يوم عينى على جارتى وأصون الجار
ولا مهر ادفع لحمارتى ولا شبكة وسوار
ولا شقة ألم تمنها ولا أجهز دار
ولا حرمى حامل تتوحم عايزة الكافيار
ولا بنتى تخرج عن طوعى وتجيبلى العار
ولا بنى يدمن ويهلوس ويقع ينهار
عايش حياتى فى حالى وليا افكار ؟
بأكل و بأشرب وانهق ومفيش اسرار
وعندى ابن آدم يخدمنى ليل ونهار
ان جعت يشترى برسيمى باغلى الاسعار
وفى مرضى يدعى الستار
خادم امين من غير راتب ولا حتى ايجار
ودلوقتى عرفتى يا بن لآدم
مين فين الحمار ؟؟؟؟